Policia e shtetit ka dhënë detaje lidhur me gomonen e djegur një ditë më parë në det, ku thuhej se policia e ndoqi gomonen në det, ndërsa skafistët i vunë flakën.
Pas gjetjes së gomones në flakë në vendin e quajtur Gjiri i Shën Adreas, policia konstatoi se ishte i njëjti mjet pas të cilit ishte vënë në ndjekje.
Gomonia ishte djegur plotësisht në pjesën fundore ndërsa në bordin e mjetit vazhdonte të digjej kanabisi.
Ndërkaq, në vendin përreth gomones gjendej e përhapur dhe në thasë plastike Cannabis Sativa dhe qese plastike të ambalazhuara me mbishkrime në gjuhën Italiane.
Po gjatë kontrollit në një zonë të pyllëzuar u gjetën edhe disa pako të mëdha me rreth 224 kg lëndë narkotike.
Policia vijon punën për identifikimin dhe kapjen e autorëve, dhe identifikimin e mjetit lundrues.
