Një tjetër ngjarje e rëndë ka tronditur opinionin publik këtë të martë. Një 54-vjeçar në Golem i ka dhënë fund jetës duke u vetëvarur me litar.
“Më datë 06.12.2016, rreth orës 14:15, në Golem, në afërsi të konviktit të shkollës së mesme, është gjetur i varur në banesën e tij, shtetasi Arben Tahiraj, 54 vjeç.
Nga veprimet e para hetimore dyshohet se ky shtetas të jetë vetëvarur. Pranë viktimes është gjetur dhe një letër e shkruar nga vetë ai mbi veprimin që do të kryente”, thekson Policia.
Viktima, baba i tre fëmijëve, mësohet se sapo ishte kthyer nga Gjermania dhe e kishte lënë e shoqja.
Grupi hetimor në vendin e ngjarjes po punon për zbardhjen e plotë të rrethanave të ngjarjes së rëndë.
Letra e të ndjerit:
Nexhi, Lume, Halil, Artur ju kërkoj falje për veprimin tim, por më mirë kështu sesa të jetë vonë dhe të më krijohet ndonjë sëmundje nga problemet e mëdha që më janë krijuar, me ralitetin e jetës që mu servir nga fati im i keq.
Unë humba familjen që për mua është gjithçka në jetën time. Tani nuk kam më asgjë për të humbur prandaj nuk gjej forcë për të vazhduar më tej dhe të ndërmarr këtë veprim të shëmtuar.
Më vjen shumë keq për shqetësimin që po ju sjell. Ju lutem fëmijët mos i njoftoni, kur të kur të vijë momenti më vonë kur të jenë rritur, tregojani dhe ju thoni se babi i donte shumë që të tre, Jonin, Glorian dhe Julian, por fati e solli që të ndaheshim nga njëri-tjetri që ishte shumë e rëndë.
Ju kërkoj të falur të gjitha familjeve tuaja së bashku me fëmijët, kushërinjve, miqve dhe të gjithëve që më janë gjendur pranë dhe më kanë mbështetur në ditët e mia të vështira.
Ju përqafoj fort të gjithëve duke ju thënë të ma falni veprimin e dobët të vetëvrasjes.
Në portofol janë 265 euro dhe 20 mijë lekë të reja shqiptare. Nuk janë shumë por përdorini në fatkeqësinë time. Nuk kam më shumë se kaq.
06.12.2016
Vëllai juaj Arben Tahiri
Janë edhe dy letra të vajzave ruajini si kujtim kur të rriten, janë në gjermanisht.
