Guvernatori i Bankës së Shqipërisë, Gent Sejko deklaroi në Kuvend se kriza e Covid-19 pritet të rrisë nivelin e kredive me probleme, që aktualisht është 8,1% e totalit të huasë.
Sejko bëri me dije se pavarësisht marrëveshjeve që do të bëjnë bankat me klientët, do të ketë biznese që do të falimentojnë duke mos paguar dot detyrimet e tyre.
“Sistemi bankar rrezikon një rritje të kredive me probleme nisur nga situata e pandemisë. Për momentin, kreditë me probleme janë ulur, por pasi moratoriumi për shtyrjen e kredive të përfundojë, pavarësisht nga ristrukturimet që bankat do të bëjnë me bizneset, ne do të kemi disa biznese që do të hapin dhe po hasin vështirësi. Jo të gjitha bizneset do të jenë në gjendje të performojnë sipas parashikimeve të tyre”, u shpreh Sejko
