Policia bregdetare greke në bashkëpunim me atë italiane kanë kapur një organizatë kriminale që transportonte me skafe sasi të mëdha droge nga Shqipëria në Itali..
Gjatë operacionit janë arrestuar dy shtetas grekë dhe pesë shqiptarë, si dhe u sekuestruan dy skafe, një shumë prej 1.800 eurosh, 13 telefona celularë, dokumente të shumta që lidhen me veprimtarinë e organizatës kriminale.
Sipas autoriteteve greke, shtatë të arrestuarit, janë pjesë e një organizate me strukturë profesionale dhe veprimtari të vazhdueshme. Qëllimi ishte transportimi i sasirave të mëdha të drogës nga Shqipëria për në Itali dhe prej andej ne Europe. Transporti realizohej me super skafe që arrinin shpejtësi shumë të mëdha dhe kishin autonomi të plotë në karburante.
Fitimi monetar i organizatës nga gjithë aktiviuteti, përllogaritet në miliona euro.
