Informacioni I SHISH: Oficerë policie të lidhur me veprimtari kriminale
Presidenti i Republikës, Bujar Nishani ka deklaruar mbrëmë në emisionin “Të Pa Ekspozuarit”, se në zyrën e ministrit të Brendshëm, prej një viti,ka një dosje nga Shërbimi Informativ me emra konkretë të oficerëve të Policisë së Shtetit të lidhur me krimin. “Për t’i kthyer besimin opozitës politike që qeveria ka mundësi për të goditur fort me vendimet institucionale dhe i takon. Së dyti, duke larguar nga Policia dhe Prokuroria të gjithë ata që janë të lidhur me krimin. Ka në zyrën e ministrit të Brendshëm një informacion të SHISH prej më shumë se një viti me emra konkretë të oficerëve të policisë të lidhur me veprimtari kriminale, informacion që fle në sirtarët e Ministrisë së Brendshme”, ka deklaruar Nishani.
NIshani e ka përsëritur deklaratën e tij disa herë: “Ka informacion që oficerë të policisë janë të lidhur me veprimtari kriminale”.
