Gjykata e Apelit e Leçes po mban seancën për shqyrtimin e dënimeve të dhëna nga Gjykata e Shkallës së Parë Administrative për dënimin e 10 personave për trafikun e 456 kg drogë nga Shqipëria në Brindisi para dy vitesh.
Pjesë të ndaluarëve janë dhe 3 shqiptarë. Shefik Musho, 34 vjeç, Leonard Bufi, 36 vjeç dhe Emilian Bufi 31 vjeç akuzohen për pjesëmarrje në grupe të strukturuara kriminale dhe organizim rrjeti të trafikut të drogës. Konkretisht, Prokuroria kërkon që ata të dënohen respektivisht me nga 7 vjet (Shefik Musho) dhe 2 vite e 10 muaj për Leonard dhe Emilian Bufin.
Në vitin 2017, policia e Brindisit konfiskoi 70 kg drogë të llojit kanabis dhe një automatik me 119 fishekë duke arrestuar 9 persona. Në 2016, Luca Sabetta u arrestua për transportin dhe organizimin e 386 kg marijuanë.
Lista e plotë e 7 të arrestuarëve të tjerë italianë bashkë me dënimet e kërkuara paraqitet si më poshtë:
Gianfranco Contestabile, 50 vjeç, 14 vite burg
Rosario Fioretti, 71 vjeç, 8 vite burg
Luca Sabetta, 39 vjeç, 8 vite burg
Andrea Esposito, 54 vjeç, 8 vite burg
Attilio Di Bello, 58 vjeç, 2 vite e 10 muaj burg
Giuseppe De Simone, 59 vjeç, 2 vite e 8 muaj burg
Damiano Libardo 2 vite e 8 muaj burg
Dënimi total për 10 të arrestuarit shkon në 58 vite e 10 muaj.
Vazhdon shpërndarja e ndihmave për 6500 familje në nevojë gjatë Ramazanit
Komuniteti Mysliman i Shqipërisë, në bashkëpunim me Qendrën Bamirëse dhe Humanitare “Mbreti Selman” dhe me koordinimin e Ambasadës së Mbretërisë së Arabisë Saudite...
