Gjykata e Lartë shqyrtoi procesin në ngarkim të deputetit socialist i cili akuzohet për plagosje me armë zjarri, armëmbajtje pa leje dhe për kasnosje me armë
Prokuroria e krimeve të rënda ka paraqitur prova kundër deputetit socialist Armando Prenga, lidhur me konfliktin me arë që ai pati pak muaj më parë me familjen Cali. Në Gjykatën e Lartë u zhvillua sot seanca e radhës ndaj deputetit Armando Prenga.
“Është e vërtetuar se i pandehuri ka patur edhe një armë pa leje”, thekson prokuroria. Gjykata e lartë vendosi sot që në seancën e ardhëshme që do të zhvillohet më 21 mars, të nisë pyetja e dëshmitarëve. Gjykata e lartë vendosi pak ditë më parë të ulë masën e sigurisë nga arrest shtëpie në detyrim paraqitje për deputetin Armando Prenga.
Armando Prenga akuzohet për tre plagosje të lehta dhe për katër kanosje me armë ndaj pjestarëve të familjes Cali. Në shtatorin e vitit që shkoi, deputeti socilaist Armando Prenga u përplas me armë me familjen Cali në Patok, për shkak të mosmarrëveshjeve për lagunën e Patokut. Për shkak të mosmarrëveshjeve, Armando Prenga, qëlloi me armë zjarri në ambjentet e komisariatit të Kurbinit, në momentin kur ishin duke denoncuar në polici pjestarët e familjes Cali. Gjatë përplasjes u plagosen tre pjesdtarë të kësaj familjeje.
