U zhvillua si “gjyq publik” mbledhja e kryeministrit Edi Rama me kryebashkiakët socialistë. Kreu i qeverisë u tërhoqi vëmendjen për plehrat. Rama tha se qeveria do të ndërhyjë në buxhetin e bashkive nëse nuk parashikon pastrimin.
Madje, ai paralajmëroi edhe sanksione, duke thënë se do të marrin në administrin bashkinë dhe kryetari do të përfundojë në prokurori.
“Ne do të ecim edhe me sanksione që do të shkojë deri në marrjen në administrim të bashkive, me çuarjen e kryetarit në prokurori. ky do të jetë fundi i rrugëtimit të përbashkët nëse nuk do të gjejmë partnerët e duhur në territor që do ta bëjnë natën ditë që të garantojnë që në sezonin e ardhshëm Shqipëria të jetë shembull i pastërtisë. Nuk i kushtin asgjë askujt”, tha Rama.
Gjithashtu, kryeministri tregoi shembullin e mirë dhe të keq në këtë histori. Gjatë gjithë fjalës së tij, Rama kritikoi ashpër Jorgo Goron e Himarës për vendgrumbullimet e paligjshme të mbetjeve në territorin e tij. Ndërsa kampion u shpall Pjerin Ndreu i Lezhës.
“Jam dëshmitarë. Kur shkoj në Dhërmi. Një pedonale ka që ec në këmbë. Sikur Jorgua, Gjergji të çohet vetë dhe ta marrë një trastë me vete. Por çohem unë para dhe zgjoj Jorgon nga gjumi dhe vjen një dumdum që nuk e di i çfarë viti është. Më kanë bërë që këtë vit të mos dal fare dhe të mos përballem me këtë situatë që i thotë të gjitha. Nuk mund të bëja dot transferimin e Pjerinit në Himarë. Puna është të kemi dy si Pjerini dhe jo dy si Jorgua. Edhe Lanfilldi i Bushatit. Është bërë funksional falë meritës së kryetarit të Bashkisë së Vaut të Dejës. Për të mos e lënë topin në mes të fushës duke thënë se skam ça bëj. Shkoni përtej kësaj. Shkoni në bashkinë e Maliqit. Dhe kur të gjeni plehra si në Himarë apo në Dhërmi, edhe tani që flasim. Ca ka Maliqi më shumë? KA një njeri që nuk pajtohet dot me plehrat. Patjetër që edhe ai do thotë se kam këto.” tha Rama.
