Gjykata ka vendosur masën e sigurisë “detyrim paraqitjeje” për Marsida Qatjan, gruan e përfshirë në ngjarjen tronditëse të një jave më parë në qytetin e Kavajës.
Gjykata e Kavajës pranoi kërkesën e Prokurorisë, pasi në disa mesazhe të publikuara nga vetë Qatja, bashkëshorti, që gjendet i burgosur në Gjermani, i kërkon që ajo të marrë pasaportat dhe të shkojë dhe ta takojë.
Prokuroria gjithashtu i ka kërkuar Qatjas, që të mos flasë më në media për ngjarjen, pa u sqaruar fillimisht nga autoritetet shtetërore pasi deklaratat e saj për vrasjen kanë qenë kontradiktore.
Qatja është nën akuzë për përshtatje të ambjenteve të banesës për konsumim droge.
Kujtojmë se vrasja e Dritan Haxhollit ndodhi në banesën e Marsidës ndërsa mbeti i plagosur polici i burgjeve, Bledar Toçi. Pistat ku po përqendrohet hetimi janë xhelozia dhe e trafikut të drogës.
