Gjykata ka liruar Sardian Sulejmanin, një tjetër anëtar të bandës së Durrësit, i dënuar me 25 vite burg.
Akuza në ngarkim të Sardian Sulejmanit është pjesëmarrja në vrasjen e Ilir Koldashi, 31 vjeç, e ndodhur në Tiranë në afërsi të stadiumit “Qemal Stafa”.
Sardian Sulejmani akuzohet nga Prokuroria e Krimeve të Rënda edhe për pjesëmarrje në episode të tjera kriminale, që i janë faturuar “Bandës së Durrësit” dhe për këtë shkak i dyshuari po gjykohet si anëtar i saj.
Sulejmani mori pjesë bashkë me Indrit Doklen e Kujtim Bunën në vrasjen e Ilir Koldashit, më 30 tetor 2005. Kjo ngjarje mësohet se ndodhi për shkak të problemeve të brendshme të bandës dhe ndarjes së saj në dy fraksione.
