Gjykata e Tiranës dha masën e sigurisë arrest me burg për Spiro Kserën. Por edhe për bashkëpunëtorët e tij.
Ish ministri i Punës dhe Çështjeve Sociale në orën 13:00 u paraqit para gjykatës së Tiranës për vlerësimin e masës së sigurisë pas akuzave të prokurorisë për vjedhje duke shpërdoruar detyrën e kryer përmes procedurave fiktive për organizimin e disa aktiviteteve social-kulturore në vitin 2013.
Ilir Çeliku është gjyqtari i cili vlerësoi të ligjshëm arrestimin i tij dhe dha masën e arrestit burg.
Ndërkohë edhe Prokuroria kërkoi “arrest me burg”. Avokati i Kserës, Genc Gjokutaj, e cilësoi arrestimin si të paligjshëm.
Gjokutaj mohon që klienti i tij të ketë lidhje me procedurat për zhvillimin e aktiviteve dhe të programeve sociale, dhe se shkresat janë procedurë e stafit teknik. Gjokutaj tha se klineti e tij nuk është marrë marrë asnjëherë në pyetje që nga kallëzimi i KLSH. Në gjykatë për vlerësim mase të sigurisë dolën dhe ish zyrtarët Artevis Mene,
Elda Kozaj, Pranvera Lile, për të cilat gjykata dha masën ‘detyrim paraqitje”. Dy të tjerë janë shpallur në kërkim.
Gjykata e Tiranës caktoi masën e arrestit me burg për Artevis Menen, bashkëpunëtorin e ish-ministrit të Punës dhe Çështjeve Sociale, Spiro Ksera, ndërsa pritet që të caktohet masa e sigurisë edhe për vetë Kserën.
Sipas Prokurorisë, ka dyshime serioze se ish-ministri ka kryer veprën penale të “vjedhjes duke shpërdoruar detyrën” nëpërmjet procedurave fiktive për organizimin e disa aktiviteteve social-kulturore gjatë vitit 2013. /27.al/
