Gjykata Kushtetuese do të shqyrtojë sot kërkesën e maxhorancës për shkarkimin e presidentit Ilir Meta. Shtatë anëtarët e Gjykatës Kushtetuese do të mblidhen në seancë në orën 10:00 të paradites së sotme.
Kreu i shtetit u shkarkua në shtator të vitit të kaluar në Kuvend me votat e shumicës socialiste pasi sipas tyre ai kishte shkelur kushtetutën me deklaratat dhe qëndrimet gjatë fushatës për zgjedhjet parlamentare të 25 Prillit, 2021.
Por nga ana tjetër kreu i shtetit e ka konsideruar vendimin e Kuvendit si “nul”, nga i cili nuk ka asnjë shqetësim. Gjykata Kushtetuese kishte caktuar si datë për shqyrtimin e çështjes datën 18 janar, por seanca u shty për shkak se anëtari dhe relatori i çështjes Përparim Kalo rezultoi pozitiv me Covid.
Ndërkohë që pas këtij afati ai ka paralajmëruar se do të rikthehet në opozitë për të garuar në zgjedhjet e ardhshme. Kjo është pohuar edhe bashkëshortja e tij, kryetarja e LSI Monika Kryemadhi që ka njoftuar rikthimin e presidentit në krye të LSI.
