Nga Pranvera Vatoci
Krejt ndryshe nga sa thuhet në media, nganjëherë me shkrime dhe kronika televizive të porositura, Gjykata e Tropojës nuk ka penguar në asnjë rast të drejtën e ankimimit të palëve në procesin lidhur me HEC-et në lumin Vlabona.
Ajo çka përdoret qëllimisht për të hedhur tym e duke fshehur të vërtetat, është refuzimi me procedurë të rregullt ligjore që Gjykata i ka bërë kërkesës së shoqatës “Toka”, e cila nuk është palë në proces.
Sipas procedurave gjyqësore në Gjykatën e rrethit gjyqësor Tropojë është paraqitur ankim jashtë afatit ligjor kundër vendimit të gjyqtarit Sami Ujkashi për kundërshtim të veprimeve përmbarimore lidhur me ndërtimin e HEC-ve në Valbone. Pala ankuese “si palë në proces”, Zyra e Përmbarimit Gjyqësorë Tropojë ka bërë një kërkesë për rivendosje në afat për të drejtën e ankimit, kërkesë e pranuar nga gjyqtari Dritan Seci! Lidhur me vendimin por dhe jashtë çdo procedure ligjore dhe çdo afati ligjor ka paraqitur ankim dhe shoqata Toka, bashkangjitur dhe kerkesë për rivendosje në afat, kerkesë që nuk është pranuar nga Gjykata e Troppojës sipas kodit të Procedurës Civile, pasi kjo shoqatë nuk ka qënë palë në proces.
Pra kjo gjykatë, ndryshe nga sa thuhet në shkrimet e porositura në media, në asnjë vendim të sajin nuk ka penguar të drejtën e ankimimit nga Zyra e Përmbarimit e cila është e vetmja palë në procesin e vendimit të mëparshëm nga gjykata e shkallës së parë. Pra Zyra Përmbarimore ka të gjithë hapsirat ligjore dhe gjyqësore t’i drejtohet Gjykatës së Apelit në Shkodër për të kundërshtuar vendimin e gjyqtarit Sami Ujkashi, vendim i dhënë në gjykatën e shkallës së parë, Tropojë.
