Kalon për gjykim një pjesë e dosjes “339”, ndërsa Gjykata e Posaçme ka vendosur të pushojë çështjen ndaj vëllait të ish-deputetit socialist Arben Ndoka.
Mes të pandehurve në një pjesë të dosjes “339” që ka të bëjë me falsifikimin e pronave në zonën e Ranës së Hedhun në Lezhë, është edhe Arben Ndoka, ndonëse po kjo gjykatë ka rrëzuar akuzën të ngritur ndaj tij për “Grup të strukturuar kriminal”.
Ndaj Ndokës dhe 14 personave të tjerë, dy prokurorët e çështjes Vladimir Mara dhe Dritan Prençi kanë ngritur akuzën e “Falsifikimit të dokumenteve”, “Pastrimit të produkteve të veprës penale”, Falsifikimi i vulave, stampave ose i formularëve”, “Shpërdorimi i tokës” dhe “Grup i strukturuar kriminal”.
Prokuroria ka sekuestruar dhe 300 mijë m2 tokë në zonën e Ranës së Hedhun në plazhin e Shëngjinit.
