Gjykata ka dhënë masën e sigurisë arrest me burg për ish-kryebashkiakun e Dibrës, Shukri Xhelili, i cili u përfshi në një videoskandal të publikuar në emisionin “Të Paekspozuarit” ne Oranews, ku kërkonte favore seksuale në këmbim të një kontrate pune.
Masa e arrestit me burg për Shukri Xhelilin u mor me kerkësë të Prokurorisë së Krimeve të Rënda dhe vendimi u ekzekutua nga Policia e Shtetit.
Nderkohe Top-channel flet per nje skenaq qe do te shtynte zgjedhjet ne Diber. Kushtetuta i jep të drejtë një kryetari bashkie që të ankimohet brenda 15 ditëve në Gjykatën Kushtetuese, nëse kundër tij ka një vendim për shkarkim. Dhe këtë të drejtë, Shukri Xhelili, kryetari i shkarkuar i Bashkisë së Dibrës, pavarësisht skandalit mesa duket do ta përdorë. Në Gjykatën Kushtetuese nuk është depozituar ende ankimimi, por Shukri Xhelili, i shkarkuar për shkelje të rëndë të Kushtetutës dhe ligjit, konfirmoi për Top Channel se kjo do të ndodhë brenda afatit kushtetues.
Me ane te kesaj ankese Xhelili minimalisht pezullon përkohësisht vendimin e qeverisë për shkarkimin e tij, siç thuhet në nenin përkatës të Kushtetutës.
Ankimi në Gjykatën Kushtetuese ndikon edhe në shtyrjen e shpalljes së datës së zgjedhjeve, për shkak se duhet pritur një vendim i Kushtetueses për ndërprerjen ose jo të mandatit.
