Ndue Pjetra, avokati mbrojtës i Orges Xhelilit, i cili u la sot në burg nga gjykata për plagosjen e kryetarit të bashkisë Divjakë, Fredi Kokoneshi dhe shoferin e tij, Gazmend Bullari, ka thënë për mediat se konflikti nuk ndodhi për shkak të detyrës.
Në një deklaratë për mediat, mbrojtësit e Xhelilit thanë se bëhet fjalë për një konflik të momentit që më pas përshkallëzoi. Po ashtu, sipas tyre, klienti i tyre ka pasur edhe plagë në trup pasi është goditur nga punonjësit e policisë që “frocërisht kanë dashur ta shoqërojnë.”
“Nuk ka motive për shkak të detyrës. Bëhet fjalë për inate dhe muhabete të zhargonit të përditëshëm, që dukshëm në qytetin e Divjakës qarkullojnë në mënyrë të përgjithshme. Nga ana e SPAK po hetohet një rast i tenderave publik siç dihet përbotshëm në qytetin e Divjakës. Është thirrur si person që ka pasur dijeni për rastin.
Nëse do të kishte pasur inate për largim nga puna, kjo nuk është kompetencë e kryebashkiakëve. Të gjitha tentativat për ta lidhur ngjarjen me detyrën, për punësimin e tij ose, kjo nuk qendron.. Është goditur nga punonjësit e policisë që kanë kapur forcërisht dhe kanë dashur ta shoqërojnë,” tha njëri prej tyre.
Më herët gjatë ditës së sotme, ka folur babai i Kokoneshit, i cili u shpreh se nuk e mendonte që sherri mes tyre do të përfundonte kaq rëndë. Abaz Xhelili, tregoi se djali i tij ka qenë student ekselent dhe ka mbaruar universitetin për inxhinieri elektronike e së fundi kishte nisur punë në Tiranë.
Mes të tjerash Xhelili tregon se kanë qenë Kokoneshi dhe shoferi i tij të cilët e kanë ndaluar djalin dhe më pas ka nisur sherri mes tyre.
Lexo edhe: Plagosja e Fredi Kokoneshit, babai i autorit: Ata e ndaluan të parët
