Gjykata e Posaçme e Apelit ka lënë në fuqi vendimin për sekuestrimin e pasurive të biznesmenit Ylli Ndroqi.
Avokati i Ndroqit, Alban Qafa e cilësoi si të padrejtë vendimin pasi sipas tij nuk janë marrë parasysh provat që ata kanë dorëzuar ditën e djeshme.
“Ne do të bëjmë rekurs në gjykatën e Lartë. Gjykata vetëm shpalli vendimin nuk e argumentoi. Ky vendim ishte një nga vendimet që nuk është i mbështetur në prova”, u shpreh avokati.
Sipas organit të akuzës, sekuestrimi i pasurive të biznesmenit erdhi nga hetimi prej gati 18 muajsh për gjurmimin dhe sekuestrimin e pasurive që dyshohet se janë përfituar në mënyrë të paligjshme.
Në listën e pasurive të sekuestruara është edhe televizioni Ora si dhe 25 pasuri të tjera të Ylli Ndroqit, të cilat sipas SPAK nuk justifikohen nga Ndroqi, ku ka dyshime se ato janë krijuar nga veprimtaria kriminale në Turqi, Itali dhe Shqipëri.
