Ministrja e Drejtësisë, Etilda Gjonaj vlerësoi masat e marra nga qeveria në luftë me COVID-19 dhe tha se ndryshimet në Kodin Penal i shërbejnë këtyre masave.
Nga salla e Kuvnedit, Gjonaj tha se masat nuk kanë në thelb ndëshkimin, por mbrojtjen e jetëve njerëzore, këto ndryshime duhet të ishin bërë më parë si në shumë vende të tjera.
“Po jetojmë në një situatë të pazakontë, jo vetëm ne por e gjithë bota. Është e vërtetë që jemi në javën 6 të kësaj epidemie por po e përballojmë me qetësi dhe eficensë. Masat e marra nga qeveria dhe ministira e Shëndetësisë ishin të duhurat. Edhe ministria e Drejtësisë mori disa masa për lirimin e të burgosurve me rrezikshmëri të ulët, në përgjigje të përballimit të situatës. Lirimi i tyre ul popullimin në burgje. Mirënjohje stafit në burgje që në kushte të vështira jo vetëm kanë kryer punën e tyre por kanë sakrifkuar mbi veten dhe familjen e tyra. Puna e tyre vështirësohet kur lajme të rreme përhapen nga media të ndryshme për raste Covid-19 në burgje, iu bëj thirrje për maturi, pasi lajme të tilla sjellin panik tek të dënuarit dhe familjarët e tyre. Propozimet në kod nuk kanë në thelb ndëshkimin e qytetarëve, por mbrojtjen e jetës së qytetarëve, këto ndryshime duhet të ishin bërë më parë si në shumë vende të tjera”,- tha Gjonaj.
