Ish-deputeti i Partisë Socialise, Arben Malaj, ka shpërthyer në akuza ndaj kryebashkiakut të Tiranës Erjon Veliaj, lidhur me gjobat e vendosura padrejtësisht ndaj banorëve.
Përmes një postimi në facebook, ish-ministri teksa e ka cilësuar Veliajn si të babëzitur, shprehet se të gjitha makinat që janë të gjobitura kanë qenë në vendin e përcaktuar nga Bashkia për banorët rezidentë dhe nuk ka pasur asnjë shkelje nga ana e tyre.
Postimi i plotë:
Ata që urdhërojnë apo tolerojnë këtë sjellje gjobe vonese ndaj banorëve rezidente janë ose manikinë ose të korruptuar. Arroganca, babezia dhe korrupsioni i Bashkisë së Tiranës nuk paska kufi as moral dhe as ligjore. Sot në ditë feste në lagjen tonë mberritën gjobëvenësit e bashkisë bashkë me një karrotrecë. Gjobisnin padrejtësisht banorët dhe qytetarët e kësaj zone. Makinat e tyre janë brenda vijëve të destinuar për parkim për qytetarët. “Na kanë marrë në telefon” genjenin, janë ankuar banorët. Kush është ankuar, makinat nuk janë përpara derës së asnjë shtëpie, nuk janë përpara asnjë dere parkimi, nuk janë përpara derës së asnjë ndonjë institucioni arsimor, shëndetësore apo publik.
Pra askush nuk ka një arsye reale të ankohet. Ankuesit ashtu si shpifësit online janë pjesë e mentaliteteve të shpërdoruesve me pushtetin.
Kemi një muaj që ankohemi, kemi nisur peticion në Bashki, asnjë përgjigje por vetëm gjoba.
Keq-përdoren tabela të kodit të qarkullimit rrugorë që janë për investime publike për përfitime private .
Ky është shpërdorim në detyre, pse nuk e denoncon policia e shtetit bashkinë e Tiranës për këtë rast.
Pse nuk fillon çështje panale Prokururia e Tiranës kundër bashkisë së Tiranës?
Ka disa kolegë që thonë mos u merr me këtë se është gjë e vogel ti je personalitet. Këtyre miqve dua tju rekomandoj të lexon analizën pse fitoj opsioni Brexit në Angli sepse politikanët u larguan nga njerëzit e thjeshtë, se ministrat qeverisnin me foto dhe me rrjetet sociale. Vraponin për takime dreka e darka jashtë Britanisë dhe humbën çdo kontakt me njerzit e tyre.
Jo ne duhet të kërkojmë respekt për jeten tonë të përditëshme, për këdo dhe kudo dhe jo vetëm për vete.
Sot nuk mora gjobë se më njoftuan shpejtë por dhjetra banorë të zonës u gjobitën pa drejtësisht.
Po tentojnë te na detyrojnë me gjoba të boshatisim rrugën që bashkia nuk thotë pse e do bosh.
Kostoja për një banorë për të gjetur një parkim të ri është
6.000 lekë në muaj,
72.000 lekë në vit dhe për tre vite rreth
220,000 lekë. Në tre vite për
100 veta janë rreth 22 milion lekë të reja.
Pse u vjedh bashkia këto lekë banorëve rezidentë?
Pse nuk i kthen përgjigje banorëve për peticionin e tyre?
Pse nuk bënë transparencën e detyrueshme ligjore ?
Populli shqiptare ka një mesazh për keta të babëzitur ” Tamaja e madhe të lë pa gjë”
Gëzuar Pashkët !!
