Ministri i Energjitikës në ceremoninë e përfundimit të ndërtimit të linjës së interkonjuksionit 400 kv ms Shqipërisë dhe Kosovës
Ministri i Energjisë dhe Industrisë, Damian Gjiknuri, e cilëson si një “gurë kilometrik” midis Kosovës e Shqipërisë, përfundimin e ndërtimit të linjës së interkonjeksionit 400 Kv. “Ky është një gurë kthese jo vetëm në integrimin e dy tregjeve tona energjetike, por është një gurë edhe për integrimin e dy vendeve tona. Kjo linjë nuk i vlen vetëm Shqipërisë dhe Kosovës, por shkon në përmbushje të asaj agjende të tregjeve të Evropës Juglindore, asaj agjende evropiane që ka benefetitet më të mëdha. Meqë jemi përpara të samitit të Parisit, Shqipëria dhe Kosova shkojnë ballëlartë edhe një vepër konkrete të realizuara, e cila bind shumë shtete të Bashkimit Evropian që investimet në këtë rajon janë të domosdoshme dhe shtetet e kanë vullnetin për të bashkëpunuar dhe për t’i realizuar ato në kohë”, tha Gjiknuri.
Ministri i Energjisë tha se Shqipëria po futet plotësisht në agjendën e interkonektivitetit duke paralajmëruar që vitin tjetër do të fillojë dhe linja me Maqedoninë, duke e integruar plotësisht vendin me rrjetin rajonal dhe evropian të energjisë. “Pse kanë rëndësi këto? Dikur ka pasur konceptin arkaik të idesë indipendiste duke zhvilluar vetëm burime të brendshme me çfarëdo lloj koste. Ne jemi për opsion tjetër. Sa më shumë lidhje, sa më shumë opsione aq më shumë pavarësi do të kemi sepse do të kemi mundësi të vëmë burimet tona hidrike, ashtu edhe gazin më vonë”, tha Gjiknuri.
