Kryetari i Komisionit të Jashtëm në Bundestag, Gunther Krichbaum, gjykon se është ende shumë herët për hapjen e negociatave të BE-së me Shqipërinë.
“Në këtë moment unë jam në mënyrë të qartë kundër negociatave të pranimit me Shqipërinë”, është shprehur deputeti i CDU-s Gunther Krichbaum.
Në një deklaratë dhënë për gazetën gjermane “Welt”, Krichbaum deklaroi hapur qëndrimin e tij kundër hapjes së negociatave:
“Hapja e negociatave tani do të ishte e parakohshme”, ka thënë ai.
Megjithëse Shqipëria ka nisur “reforma të shumta”, për shembull në gjyqësor, ato duhet “të zbatohen tani tërësisht”.
Kjo vlen veçanërisht për luftën kundër korrupsionit dhe krimit të organizuar, i cili shpesh depërton në qarqet më të larta të qeverisë.”, argumenton politikani i CDU.
Komisioni Europian ka “treguar naivitet në këtë çështje”.
Krichbaum së fundmi u citua gabim nga disa media shqiptare e me pas u atakua prej tyre. Ai i tha kryeministrit socialist, Edi Rama që këto media ishin nën kontrollin e tij.
Rama ishte i ftuar në komisionin e çështjeve evropiane të Bundestagut. Në polemikën, Krichbaum ishte treguar poshtërues ndaj Ramës, thonë deputetët gjermanë.
