Një lamturmirë për së gjalli…në kohët kur Europa pretendon se po hap gjithnjë e më shumë kufijtë.
Është kjo historia e familjes shqiptare që para pak ditësh u dëbua nga Gjermania, ndërsa gjermanët i kanë përcjellë me dhimbje e lot.
Emisioni “Schleswig-Holstein” ka transmetuar reportazhin ku forca të shumta policie kanë marrë familjen 6-anëtarëshe për ta dëbuar nga Kirchbarkau.
Përveç fëmijëve shqiptarë kjo ngjarje ka përlotur edhe disa fëmijë gjermanë që kishin dalë për tu dhënë lamtumirën atyre.
Siç shihet edhe në reportazh fqinjët kanë përcjellë familjen shqiptare deri sa po futeshin në makinë me lot në sy duke kënduar këngën “Amazing Grace”.
Urdhri për të deportuar familjen ka ngjallur zemrim në distriktin ku banonte familja por kjo s’mundi ta ndalë ikjen e tyre.
Zyra e Emigracionit e qarkut nuk ka pritur vendimin e komisionit që po shqyrtonte dosjen e familjes e cila kishte mbërritur në Gjermani rreth vitit 2014/ 2015.
Tashmë dosja do të shqyrtohet nga një tjetër organ më i lartë por kjo nuk e ndihmon familjen pasi ata janë kthyer në Shqipëri.
