Ish-ministri i Brendshëm i Italisë, Mateo Salvini, kritikoi autoritetet shtetërore për karantinimin e të gjithë skuadrës në rast se një lojtar rezulton pozitiv me “COVID-19”.
Në një prononcim për “Telelombardia”, ai tha se ka njerëz që paguhen 1 mijë euro në muaj dhe bëjnë dy punë, futbolli prodhon milirada euro, nuk janë dëmtuar Ibrahimoviç dhe Ronaldo, por të gjithë punëtorët.
“Nëse një person nga 100 veta rezulton pozitiv me COVID-19, e gjithë skuadra futet në karantinë dhe sërish futbolli ndalet. Gjermanët nuk janë mendjelehtë dhe mazokistë. Ata morën shumë kohë sepse ka shumë paragjykime për futbollin. Ministri Spadafora të gjejë zgjidhje financiare për futbollin. Futbolli prodhon 4 miliardë euro. Ka njerëz që paguhen 1 mijë euro në muaj dhe bëjnë dy punë. Nuk janë dëmtuar Ibrahimoviç dhe Ronaldo, por të gjithë punëtorët”, u shpreh Salvini.
