“Qeveria e Greqisë kërcënon të gjithë shqiptarët me nënshtetësi greke, por edhe minoritarët grekë që nëse nuk betohen për besnikëri ndaj këtij shteti do t’u heqë nënshtetësinë.”
Është ky skandali i radhës nga fqinji ynë jugor që detyron shqiptarët të betohen për besnikëri ndaj Greqisë duke dalë kështu kundër atdheut të tyre që është Shqipëria.
Të parit që do t’i hiqet shtetësia greke është Jorgo Goro, kryetari i Bashkisë së Himarës.
Sipas medias greke tachydromos.org, Goro në bashkëpunim me autoritetet e Shqipërisë ka shërbyer në aktivitetet e bashkatdhetarëve të tij. Më tej në shkrim thuhet: “Shërbimet greke kanë vite që marrin informacione në lidhje me aktivitetet anti-greke të kryetarit të Himarës dhe pas rekomandimeve të përsëritura të pajtueshmërisë që kurrë nuk merren seriozisht nga zoti Goro, morëm vendimin për të hequr shtetësinë greke.”
Kryebashkiaku i Himarës, Jorgo Goro mori shtetësinë greke në vitin 2014, si dhe duket në faksmilen e mëposhtme të dokumentit të dhënies së shtetësisë.
Në shkrim gjithashtu thuhet se shërbimet greke kanë gati dhe listën e personave të tjerë kryesisht të moshuar, të cilët, pasi kanë marrë kombësinë greke kanë injoruar betimin dhe në shumë raste janë ngritur kundër bashkëqytetarëve të tyre dhe kanë bashkëpunuar hapur me autoritetet shqiptare.
Vendimi i parë për heqjen e kombësisë është marrë ndaj personave me pozitë të lartë shoqërore dhe publike, si rasti i Goros ndërsa tani e tutje kjo masë do të merret për të gjithë ata që sipas vendit fqinj kanë hequr dorë nga përgjegjësitë e tyre si shtetas grek, kudo që ata ndodhen në Greqi apo jashtë vendit.
Pas këtij vendimi, i cili pritet të zbatohet së shpejti edhe për persona të tjerë, dhjetëra shqiptarëve që kanë bërë shenjën e shqiponjës apo janë fotografuar me flamurin kombëtar shqiptar do t’u hiqet shtetësia greke.
(Shkrimi në median greke, në foto Rama me Jorgo Goron)
