Tërmeti në Turqi dhe Siri ka shkaktuar shumë dëme në infrastrukturë dhe njerëz. Fatkeqësisht, Numri i të vdekurve vazhdon të rritet. Më shumë se 24 mijë persona kanë humbur jetën nga tërmeti në kufirin turko-sirian. Ekspertët kanë frikë se numri i të vdekurve mund të rritet në më shumë se 60 mijë.
Krye-gjeologu turk, Prof. Dr. Celal Sengoer, hedh akuza të forta ndaj sundimtarit turk, Recep Tayyip Erdogan. Ai thotë për BILD: “Erdogan ka dështuar totalisht! Ai ka bërë pothuajse gjithçka gabim”.
Shkencëtari ka dhënë mësim në Universitetin Teknik të Stambollit deri në vitin 2022 dhe ka qenë anëtar i Leopoldina, Akademisë Kombëtare Gjermane të Shkencave që nga viti 2012.
“Tërmeti i fundit i madh në Turqi në vitin 1999, zyrtarisht vrau 18 mijë njerëz, por në fakt ishte më afër 30 mijë,” thotë Sengoer. “Dhe çfarë bëri Erdogan për ta përgatitur vendin më mirë për tërmete të tilla masive? Pothuajse asgjë! Edhe pse ai ishte kryeministër nga viti 2003 deri në vitin 2014 dhe që atëherë ka qenë president”.
Shkencëtari Sengoer përmend tre fusha në të cilat Erdogan ka dështuar sipas këndvështrimit të tij:
-Mbrojtje shumë e vogël nga tërmetet: “Erdogan kishte ligje të hartuara prej vitesh që duhet të siguronin që ndërtesat të jenë rezistente ndaj tërmeteve në të ardhmen. Por sapo ligjet hynë në fuqi më në fund, ai nuk bëri pothuajse asgjë për t’i zbatuar ato”.
-Shumë korrupsion: “Korrupsioni është rritur masivisht që kur Erdogan erdhi në pushtet. Pjesa më e madhe e parave që shteti akordoi për mbrojtjen nga tërmetet, përfunduan në xhepat e zyrtarëve shtetërorë”.
-Shumë pak aftësi për të kritikuar: “Erdogan krijoi një klimë në të cilën askush nuk guxonte të thoshte më asgjë. Ai ka transferuar ose shkarkuar menjëherë nëpunësit civilë kritikë. Ai ka sulmuar dhe ofenduar edhe qytetarët që e kritikuan pas tërmetit të së hënës, duke i quajtur ‘njerëz të pandershëm’”.
Sengoer paralajmëron për një tërmet të ri, këtë herë në Stamboll: “Tërmeti i të hënës ishte me magnitudë 7.8 ballë. Fatkeqësisht, duhet të presim një tërmet të ngjashëm në Stamboll. Probabiliteti që në 30 vitet e ardhshme të ketë një tërmet me magnitudë më të madhe se 7 ballë është rreth 70 përqind”.
Çfarë pasojash do kishte një tërmet i tillë për metropolin me mbi 15 milionë banorë në Bosfor. Sengoer: “Të tmerrshme, kam frikë se do ketë mes 50 mijë dhe 100 mijë vdekje. Për shkak se 60 përqind e ndërtesave në qytet janë ndërtuar ilegalisht, 8 mijë prej tyre ndoshta do të shkatërroheshin plotësisht nga një tërmet”.
Çfarë duhet të ndodhë që të mos realizohet një skenar i tillë horror?
Sengoer: “Shteti më në fund duhet të sigurojë që godinat e reja të jenë rezistente ndaj tërmeteve- edhe nëse kjo është me kosto më të larta. Dhe nëse sot jetoni në qendër të Stambollit, ju këshilloj të largoheni. Jashtë qytetit, rreth 100 kilometra”. Por vetë gjeologu i lartë jeton në Stamboll. A planifikon ai të largohet nga qyteti? “Jo, shtëpia ime është rezistente ndaj tërmeteve. Shpresoj”.
Tërmeti në Turqi dhe Siri ka shkaktuar shumë dëme në infrastrukturë dhe njerëz. Fatkeqësisht, Numri i të vdekurve vazhdon të rritet. Më shumë se 24 mijë persona kanë humbur jetën nga tërmeti në kufirin turko-sirian. Ekspertët kanë frikë se numri i të vdekurve mund të rritet në më shumë se 60 mijë.
Krye-gjeologu turk, Prof. Dr. Celal Sengoer, hedh akuza të forta ndaj sundimtarit turk, Recep Tayyip Erdogan. Ai thotë për BILD: “Erdogan ka dështuar totalisht! Ai ka bërë pothuajse gjithçka gabim”.
Shkencëtari ka dhënë mësim në Universitetin Teknik të Stambollit deri në vitin 2022 dhe ka qenë anëtar i Leopoldina, Akademisë Kombëtare Gjermane të Shkencave që nga viti 2012.
“Tërmeti i fundit i madh në Turqi në vitin 1999, zyrtarisht vrau 18 mijë njerëz, por në fakt ishte më afër 30 mijë,” thotë Sengoer. “Dhe çfarë bëri Erdogan për ta përgatitur vendin më mirë për tërmete të tilla masive? Pothuajse asgjë! Edhe pse ai ishte kryeministër nga viti 2003 deri në vitin 2014 dhe që atëherë ka qenë president”.
Shkencëtari Sengoer përmend tre fusha në të cilat Erdogan ka dështuar sipas këndvështrimit të tij:
-Mbrojtje shumë e vogël nga tërmetet: “Erdogan kishte ligje të hartuara prej vitesh që duhet të siguronin që ndërtesat të jenë rezistente ndaj tërmeteve në të ardhmen. Por sapo ligjet hynë në fuqi më në fund, ai nuk bëri pothuajse asgjë për t’i zbatuar ato”.
-Shumë korrupsion: “Korrupsioni është rritur masivisht që kur Erdogan erdhi në pushtet. Pjesa më e madhe e parave që shteti akordoi për mbrojtjen nga tërmetet, përfunduan në xhepat e zyrtarëve shtetërorë”.
-Shumë pak aftësi për të kritikuar: “Erdogan krijoi një klimë në të cilën askush nuk guxonte të thoshte më asgjë. Ai ka transferuar ose shkarkuar menjëherë nëpunësit civilë kritikë. Ai ka sulmuar dhe ofenduar edhe qytetarët që e kritikuan pas tërmetit të së hënës, duke i quajtur ‘njerëz të pandershëm’”.
Sengoer paralajmëron për një tërmet të ri, këtë herë në Stamboll: “Tërmeti i të hënës ishte me magnitudë 7.8 ballë. Fatkeqësisht, duhet të presim një tërmet të ngjashëm në Stamboll. Probabiliteti që në 30 vitet e ardhshme të ketë një tërmet me magnitudë më të madhe se 7 ballë është rreth 70 përqind”.
Çfarë pasojash do kishte një tërmet i tillë për metropolin me mbi 15 milionë banorë në Bosfor. Sengoer: “Të tmerrshme, kam frikë se do ketë mes 50 mijë dhe 100 mijë vdekje. Për shkak se 60 përqind e ndërtesave në qytet janë ndërtuar ilegalisht, 8 mijë prej tyre ndoshta do të shkatërroheshin plotësisht nga një tërmet”.
Çfarë duhet të ndodhë që të mos realizohet një skenar i tillë horror?
Sengoer: “Shteti më në fund duhet të sigurojë që godinat e reja të jenë rezistente ndaj tërmeteve- edhe nëse kjo është me kosto më të larta. Dhe nëse sot jetoni në qendër të Stambollit, ju këshilloj të largoheni. Jashtë qytetit, rreth 100 kilometra”. Por vetë gjeologu i lartë jeton në Stamboll. A planifikon ai të largohet nga qyteti? “Jo, shtëpia ime është rezistente ndaj tërmeteve. Shpresoj”.
