Një pako e dyshimtë është vënë re afër një peme pranë Pallatit të Kulturës në qytetin e Vlorës.
Bëhet me dije se forca të shumta policie kanë rrethuar zonën teksa pritet ndërhyrja e Forcave Xheniere për të verifikuar pakon dhe nëse është eksploziv të bëhet ç’aktivizimi ose shpërthimi i komanduar.
Burime nga terreni raportojnë se pranë lagjes “Pavarësia’ është gjetur një celular që dyshohet se është i lidhur me eksplozivin artizanal. Policia ka ndaluar qarkullimin në zonë.
Njoftimi i policisë:
Vlorë/Informacion paraprak
Më datë 13.10.2020, rreth orës 18:42, në lagjen Pavarsia, Vlorë, në brendësi të një lulishteje është konstatuar një pako e dyshimtë.
Grupi hetimor me ekspertët përkatës po kryejnë veprimet e mëtejshme për zbulimin dhe përcaktimin e përbërjes së saj.
Shërbimet e policisë kanë marrë masa duke vendosur perimetrin e sigurisë.
