Një tjetër shqiptar ka ndërruar jetë ditën e sotme në burgun e shtetit fqinj. Bëhet fjalë për një shtetas 33-vjeçar, identiteti i të cilit nuk bëhet i ditur, u gjet i vdekur në qelitë e burgut të sigurisë së lartë të Koridhalosit në jugperëndim të Athinës. Ky është rasti i tretë brenda pak kohësh i vdekjes së një shqiptari në burgun grek. Ndërkohë që nuk dihen ende shkaqet e vdekjes së tij. Autoritet greke po vijojnë punën për zbardhjen e rrethanave të ngjarjes së rëndë.
Pak ditë më parë në këtë burg u vra Albert Bako, nga një grup kriminal rival, të cilët gjithashtu ishin shqiptarë, ndësa autorët u identifikuan një shqiptar dhe një grek. Bako ishte i njohur për mediat greke si njeri që terrorizoi Pireun pasi hapi zjarr me një kallashnikov në një bar në nëntor 2014, duke plagosur 14 vetë. Në fakt, së bashku me një tjetër person, ai ishte i përfshirë në tentativën e vrasjes së avokatit Michalis Zafiropulos.
Ngjarjet e fundit në burgjet greke janë në vazhdën e disa vrasjeve në shtetin fqinj. Që prej vrasjes së ekstremistit minoritara në Bularat, disa shqiptarë janë gjetur të vrarë në burgjet greke në rrethana ende të paqarta. Disa javë me parë një tjetër shqiptar humbi jetën në burgun e Triakalas nga shkaqe që ende nuk janë zbuluar.
