Një 60 vjeçar është gjetur i pajetë mesditën e sotme pranë portit të peshkimit në zonën e Triportit në Zvërnec të Vlorës.
Policia bën me dije se ai nuk ka shenja dhune në trup, ndërsa dyshohet se ka humbur jetën për shkak të një infarkti kardiak.
Njoftimi i plotë
Rreth orës 14:45, në Triport, Zvërnec, pranë molit të peshkimit është gjetur i pajetë shtetasi A. J., rreth 60 vjeç, i cili ka qenë duke peshkuar.
Nga kqyrja paraprake në trupin e pajetë nuk vërehen shenja dhune, dyshohet se vdekja mund ti ketë ardhur për shkak të infarktit kardiak.
Grupi hetimor ndodhet në vendngjarje dhe po kryen veprimet e mëtejshme.
