Karabinierët e Guardia Di Finanza kanbë zhvilluar një aksion në provincën e Breshianos, ku kanë gjetur një shumë të madhe parash, që dyshohet se vijnë nga aktiviteti kriminal.
Përgjimet e policisë dhe nuhatja e qenve të tyre kanë bërë të mundur që të gjendet shuma e madhe e parave, që ishte groposur. Një pjesë e parave ishte fshehur nën tokë në një shtëpi fermë.
Hetimi, i koordinuar nga Prokuroria e Rrethit të Breshias, çoi në 27 masa paraprake dhe konfiskimin e mbi 93 milionë eurove.
Hetimet e policisë italiane
Sipas raporteve të para, pas shumës së parave të pista qëndron një familje me “bazë” në një fermë në fshatin Gussago, në provincën e Breshias. Jo shumë larg nga kjo banesë, janë gjetur më shumë se katër milionë euro, të groposura disa metra thellë.
Sipas hetuesve, paratë ishin sjellë në Itali përmes llogarive rrjedhëse të hapura jashtë vendit, në Kroaci, Rumani, Bullgari e deri në Kinë.
Në krye të organizatës së dedikuar për evazion fiskal sistematik, sipas hetuesve do të ishte Giuliano Rossini dhe gruaja e tij Silvia Fornari, e cila tashmë ndodhet në burg. Masa “Arrest shtëpie” është vendosur për djalin e çiftit, Emanuele dhe tezen e tij, Marta Fornari.
Mashtrimi
Hetimet nisën në vitin 2019, pas një denoncimi te karabinierët e Gardone Val Trompia: ishte zbulimi i 113 transfertave për rreth 34 milionë euro të kryera nga një kompani në Lodrino, e cila ishte e regjistruar në emër të një punëtori nga Val Trompia.
Pas hetimeve, u bë i mundur rindërtimi i një rrjeti të gjerë kompanish letrash (kompani false që prodhojnë letra kontabiliteti, si mbulesë për aktivitete të paligjshme ndaj organeve tatimore), të menaxhuara nga çifti Rossini – Fornari. Këto fatura false kanë shërbyer për të mbuluar blerjet dhe shitjet e zeza të metaleve me ngjyra.
