Nga Erion Kristo
Arrestimi i doktorëve është një akt i turpshëm. Prokuroria gjumashe, nën hundën e së cilës bandat e Shkodrës bënin kërdinë, zgjohet nga gjumi duke nxjerrë armiqtë e klasës para ligjit. Më kujtohet shumë saktë kur përfaqësuesi i huaj në Vetting i bëri vërejtje prokuroreshës për arrestimet kot.
Po si duket vërejtjet nuk i bëjne përshtypje. Dhe populli ushqehet me idenë se mjekët vjedhin. Dhe pa dyshim ka mes tyre të tillë. Po ka dhe heronj që në kushte shumë të vështira shpëtojnë jetë. Nëse vërtetohet që arrestimi është bërë për llogari të privatëve, ky është kapitullimi tërësor i shtetit.
Nuk më mërzit arrestimi i mjekëve, nuk më mërzit përdorimi i prokurorisë, nuk më mërzisin sharjet për mjekët hajdutë. Po jam i shqetësuar përse qindra familjarë që u është shpëtuar jeta prej doktorëve në Shkodër nuk reagojnë. Lirojini urgjentisht! Ndyrësira!
2. Udhëtimi i gazetarëve me avionin kryeministror krijoi një zallamahi të madhe. Gjykimi im është që ata nuk duhej të kishin pranuar këtë dhuratë të pushtetit. Jo se është ndonjë gjë e madhe, por se populli reagoi në dy mënyra: ja kazani; mos u kthefshi. Ky është një dëm i madh që i bëhet gazetarisë, por fajtori kryesor është ideatori. Ai që tallet me kazanin.
