Sipas mediave serbe pas takimit të së shtunës, të Këshillit të Sigurisë Kombëtare të Serbisë, organet e sigurisë në Serbi kanë rritur aktivitetet e tyre për të parandaluar planet e autoriteteve në Prishtinë që të shkaktojnë trazira në Kosovë, por edhe veprimtarinë e qarqeve të caktuara në Serbi.
“Ushtria e Serbisë ka ngritur gatishmërinë luftarake në të gjithë territorin e saj, për shkak të tensioneve në Kosovë”, kështu e nis lajmin gazeta serbe “Novosti”.
Burime të brendhsme të gazetës “Novosti” informojnë se kreu shtetëror serb po shqyrton masat që do të ndërmerren për shkak të shkeljes së Marrëveshjes së Brukselit dhe refuzimit tash e pesë vite të shqiptarëve për të krijuar Asociacionin e Komunave me shumicë serbe.
