Senatori i Vermont, Bernie Sanders njoftoi të Mërkurën se do të pezullojë fushatën e tij për nominimin presidencial Demokratik, duke i dhënë fund një oferte rikthimi pas katër vitesh si i nominuar nga radhët e demokratëve, duke i hapur rrugën ish-nënpresidentit Joe Biden për t’u përballur me Presidentin Donald Trump në zgjedhjet e vitit 2020 më 3 nëntor.
Ai falenderoi mbështetësit e tij në gjithë vendin dhe stafin e fushatës së tij.
Senatori nga Vermonti, programi progresivi i të cilit synonte t’i jepte partisë së kahje të skajshme të majtë, pati një epërsi të ndjeshme në garat e para brenda partisë në dhjetor, por shanset e tij u zbehën me shpejtësi, pasi humbi në Karolinën e Jugut në shkurt, ndërsa demokratët e moderuar mbështetën fushatën e zotit Biden.
Vendimi i senatorit Sanders vjen ndërsa vendi përballet me krizën e koronavirusit që e transformoi fushatën, me disa gara paraprake të shtyra dhe disa të tjera të cilat nuk dihet ende se kur do të mbahen.
