Futbollisti i Rizesporit, Enriko Papa, ka përjetuar frikën e tërmetit që ka goditur Turqinë në orët e para të mëngjesit të 6 shkurtit. Në një lidhje të drejtpërdrejtë nga Turqia, 29-vjeçari tregon përjetimin e momentit, teksa ka qenë në katin e 14-të të hotelit ku ishte akomoduar. Në Turqi aktivizohen krahas Enriko Papës edhe Odise Roshi, Ermir Lenjani, Eduard Rroca, Jurgen Bardhi, Dejvi Bregu, Omar Imeri dhe Endri Çekicin, me këtë të fundit që ka qenë pranë zonës së epiqendrës së tërmetit.
“Në momentin e parë ish në momentin që më dha ekipi, e ndjeva goxha dhe zgjati diku tek 1 minutë. Sapo u ndalën lëkundjet, zbrita poshtë dhe erdha në bazën ku grumbullohet ekipi. Qëndrova këtu dhe pas një ore munda të fle pak. Pati edhe një tërmet tjetër në orën 11:30, por fati im është se jemi pak larg. Më kanë shkruar të gjithë, janë interesuar për mua dhe dua t’I falënderoj dhe jam i lumtur, sepse mbështetja e njerëzit duhet në momente të vështira. Nuk kam ndërmend të lëviz, sepse këto janë gjëra që ndodhin dhe kështu që Zoti na ruajttë! Shpresoj që çdo gjë të mbyllet me kaq”. Papa bëri me dije gjithashtu se kampionati është pezulluar.
