Korçarët mundën Flamurtarin 0-2, në vend të dytë Partizani
Skuadra e Skënderbeut është shpallur kampion i Shqipërisë për të gjashtin vit radhazi pas fitores së arritur në Vlorë kundër Flamurtarit me rezultatin 0-2. Korcarët e nisin vrullshëm takimin duke shënuar në fillimin e ndeshjes me anë të Latifit në minutën e 8-të. Pjesa e parë përfundon 0-1 dhe “Ujqërit e Dëborës” shkojnë të qetë në dhomat e zhveshjes. Më pas në fillimin e pjesës së dytë Skënderbeu gjen dhe golin e qetësisë. Në minutën e 50-të, Plaku dyfishon rezultatin dhe korcarët i afrohen titullit. Kaq ka mjaftuar dhe korçarët kurorëzohen kampion të Superligës për të gjashtin vit radhazi.
Ndërkohë në anën tjetër Partizani nuk ka arritur të fitojë në Tiranë kundër Teutës. Demat e kuq u mundën me rezultatin 1-2. Golin e vetëmpër të kuqtë e shënoi Xhevair Sukaj në minutën e 36-të ndërsa për durrsakët shënuan Lamce në minutën e 73-të dhe Hila në minutat shtesë. Skënderbeu u rendit i pari në kampionat nën kuotën e 79 pikëve i ndjekur nga Partizani i vendit të dytë me 75 pikë.
