Agjentë të policisë së Tiranës kanë finalizuar në orët e para të mëngjesit të së martës operacionin e koduar “End of July”.
Menjëherë është bërë arrestimi i djalit dhe i të atit, i Avni Elezit 34 vjeç dhe i Bajram Elezit, 66 vjeç, banues në fshatin Mener.
Po ashtu u sekuestruan në cilësinë e provës materiale 55 kg lëndë narkotike dhe automjeti “Ford Focus” bashkë me 2 telefona celularë.
Dosjet e tyre u referuan në Prokurorinë e Rrethit Gjyqësor Tiranë për veprën penale të “Prodhimit dhe shitjes së lëndëve narkotike në bashkëpunim”.
