Ish-guvernatori padit Bankën e Shqipërisë dhe Kuvendin, nis gjykimi në Gjykatën Administrative
Ish- guvernatori i Bankës së Shqipërisë, Ardian Fullani, kërkon 500 mijë euro dëmshpërblim nga BSH dhe Kuvendi. Fullani ka paraqitur padi ndaj dy institucioneve për dëmtim të imazhit dhe dëm psikologjik me procedurën e shkarkimit nga detyra e Guvernatorit. Në Gjykatën Administrative ka nisur sot gjykimi për padinë e Fullanit. Pretendimet e Fullanit janë kundërshtuar nga avokatët e Kuvendit e BSH-së. Ata kërkojnë që të mos pranohet kërkesë-padia e Fullanit, pasi sipas tyre është bërë jashtë afateve të përcaktuar nga ligji.
Në seancën e sotme Fullani është përfaqësuar nga avokatët e tij Maksim Haxhia dhe Erinda Ballanca. Fullani kërkon gjysmë-milionë euro dëmshpërblim për shkarkimin e tij nga posti i guvernatorit nga Banka e Shqipërisë dhe Kuvendi. Gjykata Administrative do të vëndosë më 28 prill për këtë çështje.
