Janë kthyer sot në Kakavijë rreth 50 shtetas shqiptarë me dokumenta të rregullta, duke mos u lejuar të hyjnë në territorin grek. Pala greke i ka ndalur ata të udhëtojnë drejt Greqisë pa dhënë kurrfarë shpjegimi për vendimin e kthimit.
Vala e kthimit të shtetasve shqiptarë në Kakavijë vjen pas ngritjes së flamurit shqiptarë në Artë të Çamërisë. Vendimi flagrant i palës greke për të kthyer qytetarët shqiptarë me pasaporta të rregullta, të cilët duan të udhëtojnë në shtetin fqinj, është një akt hakmarrje që pala greke e aplikon herë pas here. Hakmarrja vjen e bëhet më e fortë, kur është fjala për Çështjen Çame.
Kthimi në kufi i shqiptarëve ndodhi edhe pak ditë më parë, fill pasi disa ushtarë grekë me origjinë shqiptarë bënë me pëllëmbë simbolin e shqiponjës. Edhe muaj më parë, një tjetër fshesë nga pala greke përfshiu pikat kufitare, në shenjë proteste ndaj retorikës së shtuar të qeverisë shqiptare në kërkesat e saj për zgjidhejn e Çështjes Çame.
