Ministri i Shëndetësisë francez, Olivier Veran, në një deklaratë për mediat, ka anulluar tubimet, mbledhjet me investitorët dhe maratonat, për shkak të frikës së përhapjes të koronavirusit.
Këto masa merren pasi mbledhja e shumë personave në të njëjtin vend sjell rrezikun për përhapjen e koronavirusit, që ka sjellë më shumë se 2900 të vdekur në gjithë botën.
Në të gjithë vendin, “të gjitha tubimet e më shumë se 5,000 njerëzve në hapësira të mbyllura do të anulohen”, tha ministri i shëndetësisë. E njëjta gjë vlen edhe për ngjarjet “në një mjedis të hapur, ku njerëzit mund të përzihen me të tjerët nga zonat ku virusi mund të qarkullojë”.
Pasi rekomandoi më parë që njerëzit të shmangin shtrëngimin e duarve, ministri tha se ata gjithashtu duhet të shkurtojnë “la bise”, zakonin në Francë dhe në Evropë, për të dhënë përshëndetje me puthje.
Gjysmë maratona e Parisit e planifikuar për të Dielën nuk do të zhvillohet, megjithëse ndeshjet e futbollit në Ligue 1 do të vazhdojnë akoma.
“Këto masa janë provizore dhe padyshim që do të na duhet t’i modifikojmë me kalimin e kohës,” vazhdoi Véran.
“Ato janë masa kufizuese dhe shpresojmë që ato të zgjasin për ca kohë sepse kjo do të na lejonte të kontrollojmë përhapjen e virusit.”
Takimet publike janë duke u ndaluar plotësisht në rajonin Oise në veri të Parisit që ka parë një grup rastesh, dhe në një qytet në Alpet që ka parë edhe infeksione, tha ai.
“Njerëzit mund të bëjnë blerjet e tyre, por duhet të shmangin udhëtimin e panevojshëm”, tha Veran.
Véran tha që kishte 16 raste të reja të koronavirusit në Francë, duke e çuar në 73 numrin e personave të prekur që nga fundi i janarit. Dy persona kanë vdekur, një mësues 60-vjeçar francez dhe një turist 80-vjeçar kinez.
