Skënderbeu ndalon përsëri, këtë rradhë në Korçë përballë Kukësit, por nuk është se i munguan mundësitë për ta zhbllokuar rezultatin. Pjesa e parë nuk ishte për t’u mbajtur në memorje, përveç një moment të mirë të Xhejms, ndërsa në të dytën ishte një tjetër ndeshje. Korçarët ishin më prezentë në afërsi të zonës kundërshtare dhe pasi kërkuan disa herë 11 metërsh, në të 56’, pas një harkimi të Latifit dhe ndërprjes së topit me dorë nga Pashaji, Kridenc Meta tregon pikën e bardhë. Më pas, humbasin me rradhë Pejiç, përsëri Salihi dhe gjithçka përfundon e bardhë 0-0, ndrëkohë që Partizani i pret javën e ardhshme kampionët, vetëm me dy pikë më pak në tabelën e klasifikimit.
Ndërkohë që skuadra e Starovës gjen një tjetër fitore, duke mundur minimalisht 0-1 Korabin dhe sërish e gjen golin me Kaleb Ekuban. Por në pjesën e dytë, të kuqtë lëshuan shumë terren dhe dibranët rrezikuan ta barazonin rezultatin, madje do t’ia kishin arritur, nëse Plaku nuk do të ishte përsëri i pafat dhe ta përplaste topin në shtyllë, megjithëse ndodhej vetëm disa centimetra larg saj.
Në Laç u prezantua një Flamurtar tjetër nga ai që nuk paguhet dhe na fakt diktoi pjesën më të madhe të transfertës së Laçit. Vlonjatët shënuan që në të 28’ me anë të Radoviç, më pas e kontrolluan lojën dhe në të 79’, një goditje e Hair Zeqirit u përplas në traversë. Laçi nuk ishte aq agresiv, por me shumë fat, kur pak përpara vërshëllimës përfundimtare të gjyqtarit, Lulaj e barazon rezultatin, pas një hutimi të mbrotjes mike.
Java VIII/ Rezultatet
Korabi – Partizani 0-1
Laçi – Flamurtari 1-1
Skënderbeu – Kukësi 0-0
Sot
Luftëtari – Tirana
(Luhet në Peqin)
Vllaznia – Teuta
