Një grup i madh shqiptarësh e kanë pritur para derës së Gjykatës në Francë ish-kryeministrin e Kosovës, Ramush Haradinajn për të festuar me të lirimin.
Ish-kryeministri dhe njëherësh kryetari i AAK-së, Ramush Haradinaj doli sot para gjykatës në Colmar të Francës, ku u mor vendimi përfundimtar për lirimin e tij.
Kërkesa e autoriteteve serbe për ekstradimin e ish-komandantit të UÇK-së për zonën e Dukagjinit, i akuzuar për krime lufte nga Prokuroria e Serbisë, nuk u pranua.
Seanca ka nisur në orën 9 të mëngjesit. Pak para nisjes së seancës së radhës gjykata në Colmar të Francës ëhstë “blinduar” nga forca të shumta sigurie.
Ramush Haradianj pak ditë më parë u dekretua nga presidenti Bujar Nishani, duke i dhënë shtetësinë shqiptare, ndërsa juristët e kanë parë këtë moment si një mundësi e mirë për tu ekstraduar në Shqipëri dhe jo në Serbi. Shteti serb lëshoi një fletë arresti, pasi e akuzon atë për krime lufte të kryera në periudhën 1998-1999.
https://www.facebook.com/RTV21portali/videos/1232175690213568/
