Francë/ Arrestohen 11 shqiptarë, trafikonin lëndë narkotike në Holandë

Dy ditet e fundit, Gjykata Franceze ka zhvilluar seancën për një bandë shqiptare e cila trafikonte heroinë dhe kokainë nga Holanda në Francë.
11 të arrestuarit akuzoheshin për “blerje dhe trafik të lëndëve narkotike”, si dhe për “pjesëmarrje në një organizatë kriminale”.
Njëri nga të akuzuarit, i dënuar me më shumë vite dhe gjobën më të lartë (100,000 euro), është shpallur në kërkim dhe nuk ishte pjesë as e seancës gjyqësore.
Pjestarët e kësaj bande u arrestuan më 15 shkurt 2019, të cilët janë rreth moshës 19-33 vjeç dhe u dënuan me nga 1 deri në 9 vite burg.
Grupi i hetimit zbuloi 1.1 kilogramë kokainë të pastër, e cila, kur u kontrollua në mënyrë të rregullt, vlente në treg rreth 80,000 euro.
Po ashtu u gjet heroinë, e cila nëse shitej në treg, do të vlente 40 mijë euro. Bandës gjithashtu iu gjetën para të gatshme që shkonin në 17,400 euro.