Kryetari i Aleancës Kosova e Re, Behgjet Pacolli është takuar ditën e sotme me presidentin e Turqisë, Recep Tayyip Erdogan.
Pacolli ka njoftuar se në darkën e organizuar nga Erdogani, kishte liderë nga e gjithë bota dhe kanë bërë diskutime lidhur me situatën aktuale në mbarë botën.
“Në një darkë me liderë nga e gjithë bota e organizuar nga presidenti Recep Tayyip Erdogan, ku patëm mundësinë të diskutonim për sfidat e jashtëzakonshme me të cilat po ballafaqohemi ne dhe mbarë bota. Jam thellësisht i bindur se sfidat e sotshme paraqesin edhe një dritare mundësie për integrim dhe bashkëpunim me aleatët tonë, nëse punojmë me mençuri, pa humbur kohë”, ka shkruar Pacolli sipër fotografisë së shpërndarë me presidentin Erdogan.
Gjithashtu, Forumi Diplomatik i Antalias është takim i nivelit të lartë, në të cilin adresohen sfidat ndërkombëtare dhe në të cilin marrin pjesë liderë shtetesh, diplomatë, opinionbërës dhe akademikë.
Tema e këtij viti e Forumit të Diplomacisë së Antalias është “Rikodimi i diplomacisë”.
Ky Forum do t`i zhvillojë punimet prej datës 11 deri në datën 13 mars dhe do të marrin pjesë përfaqësues nga rreth 70 shtete të botës.
