Ambasadorja amerikane në Tiranë, Yuri kim, përmes një postimi në Twitter ka konfirmuar pjesëmarrjen e Sekretarit Amerikan të Shtetit, Mike Pomeu, në Forumin Ballkanik Kundër Anti-Semitizmit. Kim njofton se takimi do të zhvillohet më 28 tetor dhe pohon se është në pritje të fjalimit të kryediplomatit amerikan.
“Në pritje të fjalimit kryesor të Sekretarit Pompeu në Forumin Ballkanik Kundër Anti-Semitizmit, që do të organizohet më 28 Tetor”.- shkruan Yuri Kim në Twitter.
Kujtojmë se ditën e sotme gjatë seancës plenare në parlament u miratua rezulota për antisemitizmin, një veprim ky nga ana e ligjvënësve shqiptarë që u përshëndet gjerësisht nga përfaqësuesit ndërkombëtarë në Shqipëri.
Ambasada amerikane përmes një njoftimi publik thekson se ky akt i bën SHBA-të krenare ta kenë Shqipërinë një aleate strategjike. Gjithashtu në njoftim thuhet se miratimi i rezolutës tregon vazhdën e traditës së gjatë shqiptare në luftën kundër urrejtjes.
