Forcat e Armatosura kanë nisur me helikopter shpërndarjen e ndihmave ushqimore për banorët e fshatrave Arrën dhe Kalis në Kukës.
Ndihmat e shpërndara për banorët e këtyre fshatrave të izoluar janë siguruar nga Drejtoria e Përgjithshme e Rezervave Materiale të Shtetit.
Forcat e Armatosura janë në gatishmëri për t’iu përgjigjur çdo emergjence dhe vijojnë shpërndarjen e ndihmave për banorët e zonave të thella.
Gjithashtu, Forcat e Armatosura janë të angazhuara edhe në hapjen e rrugëve rurale që janë ende të bllokuara nga bora.
