‘Fondi i Teatrit për të rinj’, Ministria e Kulturës ua jep dramaturgëve të traditës

0
29

Ministria e Kulturës hapi aplikimet në kuadër të “Fondit të Teatrit për të rinj” prej 10 milionë lekësh. Nga 39 aplikime nga e gjithë Shqipëria, që iu përgjigjën thirrjes 15-ditore të Ministrisë së Kulturës, për të prezantuar projektet e tyre në gjininë teatrale fituesit e përzgjedhur nga Bordi i Teatrit Eksperimental, janë 16. Shpërndarja gjeografike e fituesve konsiston në 8 qytete, ku kryeson Tirana me 6 projekte. Edhe pse zotimi është për të angazhuar 81 krijues të rinj, në Fondin e Teatrit për të rinj, 8 pjesët në shqip të përzgjedhura, u janë ndarë regjisorëve të zakonshëm.

“Është Vangjel Kozma, një dramaturg karriere. Është Naum Shundi, një regjisor, dramaturg i njohur shqiptar, Ina Morina ka një projekt të mbështetur mbi ‘Eposin e Kreshnikëve” etj.” – thotë regjisori Altin Basha.

Medieve nuk iu është vënë ende në dispozicion se si është bërë shpërndarja e fondit prej 10 milionë lekësh, por ky buxhet tanimë është destinuar totalisht për këto 16 projekte, dhe prej tij nuk do të investohet në Festivalin e Teatrit për të rinj, që pritet të kurorëzojë këtë proces.