Fondi Monetar Ndëkombëtar deklaron se borxhi publik në Shqipëri është në të vërtetë është 83% dhe jo 73% siç e deklaron qeveria.
Në një raport për transparencën fiskale në Shqipëri publikuar në janar të këtij viti, Fondi Monetar Ndërkombëtar, reflekton diferencën për borxhin e deklaruar nga qeveria me situatën reale.
Raporti i FMN-së për Transparencën Fiskale i janarit 2016 evidenton se detyrimi total i sektorit publik arrin në rreth 119 për qind të Prodhimit Kombëtar, ndërsa borxhi dhe llogaritë e pagueshme të qeverisjes së përgjithshme do të arrinin në rreth 83 për qind të Prodhimit Kombëtar.
“Fondi Monetar Ndërkombëtar publikon raportin e transparencës fiskale për vitin 2015 ku rezulton se borxhi i sektorit publik arrin ën shifrën 119%”
Sipas raportit, në vitin 2013, Banka e Shqipërisë dhe korporatat e tjera publike përfshirë kompanitë e energjisë elektrike, shënuan një humbje me 6.8 për qind të PBB-së, krahasuar me 5.2 për qind të deficit që krijoi qeveria e përgjithshme. Qeveria ka hyrë garant për borxhet që kanë marrë ndërmarrjet në pronësi të saj të tilla si KESH, OSHEE, ujësjellësa, por nuk ka asnjë raport mbi financat e korporatave publike, vlerëson FMN.
Pronësia e 255 korporatave publike është shpërndarë ndërmjet ministrive të ndryshme dhe pushtetit vendor. Ministria e Ekonomisë është përgjegjëse për administrimin e pronës publike, por kjo nuk përgatit pasqyrat financiare të konsoliduara të korporatave publike dhe për pasojë nuk dihet se sa është i ekspozuar portofoli i qeverisë ndaj kompanive publike, vëren FMN.
Ndër sektorët publikë më problematikë është energjia elektrike për të cilin FMN vlerëson se ka nevojë për mbështetje buxhetore deri në vitin 2019.
