Shkumbin Brati humbi jetën në një aksident tragjik së bashku me 4 të tjerë në Fushë-Krujë, ka treguar komunikimin e fundit me viktimën. Ndërkohë, për këtë ngjarje kaq të rëndë ka folur sot shoku i tij Endrit Baci.
Gjatë një interviste televizive ai tregoi se do të shkonte dhe ai në festë, por një telefonatë në moment të fundit, i shpëtoi atij jetën duke mos shkuar në Shënkoll. Ai ka treguar se momenti i fundit që ka komunikuar me këngëtarin, ka qenë për një projekt muzikor, të cilën tashmë e ka lënë në mes. Baci tregoi se ata kanë pasur së bashku dy këngë në plan, por aksidenti i preu ëndrrat në mes. Shoku tregoi se Shkumbini dhe Almeina kishin plane për martesë, madje tha se i riu punonte çdo ditë për dasmën.
“Para se të vazhdonte punën te muzika kam komunikuar me të, para se të këndonte. Isha dhe unë i ftuar por ishte shkruar nga zoti të mos shkoja fare. Un u nisa duke shkuar, më doli një punë dhe nuk shkova. Festa zhvillohej në Shënkoll. Plani ishte që të ktheheshin në shtëpi. Ishin drejtuar për në Tiranë. Pata komuniku se e patëm një takim te studio, por paska qenë e shkruar që të mos takoheshim. Kur e mora vësh lajmin kam qenë në gjumë, më telefonuan më thanë ka vdekur Shkumbini dhe kolegu tjetër, por për fat të keq nuk ishte ëndërr”, tha ai.
Ndërsa më tutje tregoi se nuk beson që aksidenti të ketë ndodhur nga shklesja e normave të shpejtësisë, pasi Shkumbini nuk e kishte qejf shpejtësi, nuk bënte kurrë lojëra të tilla në timon. Sakaq, ai tha se bashkë me Shkumbinin kanë lënë dy projekte përgjysmë, duke theksuar se ky i fundit punonte shumë që të mblidhte para për dasmën e tij.
