Një nga infermieret që u mor me trajtimin e kryeministrit britanik, u shpreh se Boris Johnson ishte thjesht një pacient tjetër për të cilin ne po përpiqeshim të bënim më të mirën.
Jenny McGee u vlerësua nga kryeministri në kohën e tij kritike në trajtim intensiv, ku u trajtua edhe me oksigjen.
Infermierja nga Zelanda e Re tregon për BBC se ajo tha se Johnson nuk mori asnjë trajtim të veçantë dhe mori gjithçka që marrin të gjithë pacientët që janë në kujdes intensiv.
Duke folur për Televizionin e Zelandës së Re (TVNZ), McGee tha: “Ne e konsiderojmë shumë seriozisht cilindo qe vjen në kujdesin intensiv, gjithe pacientët që vijnë tek ne, është një gjë shumë e frikshme për ta, kështu që ne nuk e marrim lehtë. Është e paimagjinueshme të shohësh pacientët që janë të ndarë nga familjet e tyre, apo për ata që kanë fund tragjik, duke e përshkruar atë si pjesën më të vështirë dhe të trishtuar të punës. Infermierët janë të lumtur që u ofrojnë pak mbështetje pacientëve duke u “mbajtur dorën” në momentet më të vështira”.
