Raportuesi për Shqipërinë në Parlamenti Europian, Knut Fleckenstein ju ka bërë apel vende të Ballkanit Perëndimor që të vijojnë vrullin e reformave nëse duan të jenë pjesë e BE-së.
Në artikullin e tij me titull “Pse duhet zgjerimi”, Fleckenstein shprehet se shtetet e Ballkanit duhet të vijojnë progresin ekonomiko-politik dhe në çdo hap të tyre do të kenë ndihmën e BE-së, ku një shembull i qartë është Shqipëria.
Ndërsa më tej duke folur për zgjerimin e BE Fleckenstein shprehet se “pa një politikë ambicioze dhe efektive të zgjerimit, BE-ja nuk do të jetë në gjendje të ruajë ndikimin e saj mbi procesin e demokratizimit dhe stabilizimit në Ballkanin perëndimor”.
