Eurodeputeti dhe kolegu i tij eduard Kukan i bëjnë thirrje politikës shqiptare të miratojnë reformën me urgjencë
Eurodeputet, Knut Fleckenstain e Eduard Kukan, i kërkojnë politikës shqiptare të mos humbasë më kohë por të miratojnë reformën në drejtësi. Raportuesit për Shqipërinë në parlamentin Evropian thanë sot se nuk ka më kohë për të humbur ndaj dhe duhet të mbajën fjalën e dhënë se do ta miratojnë reformën në drejtësi. Eurodeputeti Knut Fleckenstain tha se ka marrë garanci nga palët se do ta miratojnë së shpejti reformën në drejtësi.
“Nuk është koha e duhur për të bërë spektakel kur edhe Europa po përballet me sfidat e saj. Parlamenti jonë do të mbështesë, do të bëjmë më të mirëm që mos e humbim këtë gjë. Parlamenti të gjejë rrugën e përbashkët për të ecur. Kam marrë garancinë e tyre për reformën dhe unë jam i sigurtë. Ju bëj apelin që nuk duhet humbur ky shans i mirë për Shqipërinë”, tha Fleckenstain.
Të njëjtin qëndrim mbajti sot edhe eurodeputeti Eduard Kukan i cili i kujtoi politikës shqipotare detyrimin për të miratuar këtë reformë për të cilën populli është shprehur në 90% pro saj. “Ka pasur shumë diskutime për këtë temë, KE, BE dhe SHBA kanë demonstruar duke dhënë ndihmën e tyre për të mbështetur Shqipërinë. Doja të shprehja mbështetjen time të fortë, 80-90% e shqiptarëve mbështesin reformën e drejtësisë”, tha Kukan.
